Matata ya mwasi na mobali ekoki kosila te (feat. Sam Mangwana)

Franco Luambo

Compositor: Não Disponível

Oh nasali nini?
Sengela mwana moninga
Ozui ngai na pasi
Batela ngai na tango ya likambo bamona
Bondela ngai soki nasiliki
Mwasi alingaka présence ya mobali

Oh tokabola foti
Mabe ebandi na yo pe na ngai
Lokola bato bayebi toluka équilibre
Kengela mwana ya bato eh
Bondela mwana ya bato eh

Matata ya mwasi na mobali esila te na mokili
Mama ah, mama ah

Likambo nini Nzambe osala biso mibali?
Tosalelaka basi
Bango baliaka, balataka
Biso mbula mobimba pantalon moko na nzoto
Etoboka kutu oh mama

Mama abota ngai mwasi
Oyo akonyokolo ngai mwasi
Nzambe apesi ngai etumbu
Nabotaka basi bandeko
Banyokola bana ya bato
Nayoka motema pasi bandeko

Soki abimi azongi
Kotuna epayi awuti te
Comment?
Soki okendeki kotraiter ba affaires
Olobi, ozonga, olia, opema
Akomi kotuna yo: Owuti wapi?
Ozalaki wapi?
Owuti wapi?
Balobaki boye
Mwasi ngai nabala na mosoio
Nani apesi ye autorisation
Atuna ngai epai nawuti bandeko?

Likambo nini Adamu
Olataka ndambo ya liputa
Eva akosaka yo biso tomonaka bwale

Oleka awa basi
Kuna? Oleka kuna matata bandeko
Bino basi, basi bandeko
Bino moko bokoboto biso
Bino moko bokobala biso
Bino moko bokobokolo biso
Tokosala nini bandeko?
Obalani yo na mobali
Matata mikolo nionso na ndako bandeko
Pona nini boye eh?

Mwasi akoki koloba na yo
Azali na pasi na libumu
Lokuta na ye
Yo osilisi mbongo na médicament na pharmacie
Nzoka azali kokosa yo
Ayebi sekele na ye bandeko

Yoka miziki ya bana Kinshasa
Ya grand François
Mona eh, ozali wapi?
Na bilanga?
Oyo ya bayaya pe ya bakulutu
Po bato wana bato te